मार्स वनच्या मंगळवरील वसाहतीचे कल्पनाचित्र
मानवाने चंद्रावर पाउल ठेवून ४५ वर्षे उलटून गेली आहेत. आता मानवाला मंगळाची आस लागली आहे. जगातील अनेक वेगवेगळे देश मंगळावर आपली याने पाठवण्याचा प्रयत्न करीत आहेत. आणि भारतही यात मागे नाही. परंतु भारताची इस्रो, अमेरिकेची नासा किंवा युरोपमधील इसा या सरकारी संस्था आहेत. पण आता मात्र काही खाजगी कंपन्यांनीही मंगळावर जाण्यासाठी प्रयत्न करत आहेत.
हजारो लाखो लोकांच्या लांब प्रतिक्षेचा अखेर अंत झाला आहे. ज्या गोष्टीची ते आतुरतेने वाट पहात होते ती गोष्ट अखेर २४ एप्रिल रोजी बाजारात येणार आहे. लोक यावेळीही लांब रांगा लावून त्या गोष्टीचे स्वागत करतील. अनेक दुकानांच्या बाहेर पोलिस बोलावून गर्दीचे नियंत्रण करावे लागेल. काही लोक आदल्या दिवशी रात्रीपासून दुकानाबाहेर तंबूही ठोकतील. अमेरिकेतल्या असंख्य दुकानात पहिल्या दिवसाच्या शेवटी ती वस्तू मिळणार नाही. पहिले दोन तीन आठवडे असाच वेडेपणा चालेल! ज्या जमान्यात लोकांनी घड्याळे वापरणेच सोडून दिले आहे त्या जमान्यात घड्याळाची फॅशन पुन्हा आणण्यासाठी जबाबदार असलेली ही वस्तू म्हणजे अॅपल वॉच!
हिलरी क्लिंटन माहीत नाही असे वाचक भारतातही फार कमीच असतील. अमेरिकेचे माजी राष्ट्राध्यक्ष बिल क्लिंटन यांची पत्नी आणि त्याहूनही त्यांची जास्त चांगली ओळख म्हणजे अमेरिकेच्या माजी परराष्ट्र मंत्री. हिलरी क्लिंटन २०१६ च्या राष्ट्राध्यक्ष पदाच्या निवडणुकीच्या रिंगणात उतरणार आहेत हे आता जवळजवळ स्पष्ट झाले आहे. परंतु रिंगणात उतरण्याआधीच न्यूयॉर्क टाइम्सने केलेल्या एका गौप्यस्फोटामुळे त्या अडचणीत आल्या आहेत. आणि हा गौप्यस्फोट तंत्रज्ञानविषयक आहे. तंत्रज्ञानामुळे राजकारणी कसे अडचणीत येऊ शकतात याचा एक नवीन अनुभव अमेरिका सध्या घेत आहे.
गुगलच्या नवीन कॅम्पसचे कल्पनाचित्र
गुगलने अलिकडेच माउंटन व्ह्यू मध्ये एका नवीन मोठ्या कॅम्पसची निर्मिती करत असल्याचे जाहीर केले. खरंतर गुगलने ही घोषणा करणे हीच बातमीची गोष्ट असली तरीही प्रत्यक्ष कॅम्पसचा आराखड्याने लोकांचे अधिक लक्ष वेधून घेतले आहे. अशा प्रकारच्या इमारती प्रत्यक्षात उभारणे शक्य आहे की नाही यावरही लोक शंका घेत आहेत.
अॅपल खरोखरच कार बनवत आहे का? अमेरिकन वृत्तपत्रांचे रकाने सध्या या विषयाच्या चर्चेने भरून वाहत आहेत. एका खटल्याच्या निमित्ताने बाहेर आलेल्या माहितीने कार कंपन्यांची झोप उडाली आहे. फोर्ड आणि जनरल मोटर्स स्मार्टफोन बनवणार आहेत असं जर कोणी म्हटलं तर लोक हसले असते. पण अॅपल कार बनवणार आहे असं जेव्हा काही लोक म्हणत आहेत तेव्हा मात्र सर्वांचे कान टवकारले आहेत. अॅपलने यापूर्वी कुठलाही संबंध नसलेल्या उद्योगात शिरुन ती बाजारपेठ काबीज केल्याची अनेक उदाहरणे आहेत. कॉम्प्युटर, सॉफ्टवेअर, डीजीटल म्युझिक, स्मार्टफोन, फोटोग्राफी अशा अनेक क्षेत्रात अॅपलने आपल्या क्रांतिकारी उत्पादनांनी पूर्ण बाजारपेठच बदलून टाकली आहे. आणि म्हणूनच वर्तमानपत्रे एवढी चर्चा करीत आहेत.
ज्याप्रमाणे दिल्लीला पूर्ण राज्य करण्याची मागणी ‘आप’ तर्फे मांडली जात आहे त्याच प्रमाणे अमेरिकेची राजधानी वॉशिंग्टन डी. सी. लाही अशा प्रकारचा पूर्ण राज्याचा दर्जा देण्याची मागणी पुढे येत आहे. सप्टेंबर २०१४ मध्ये अशा प्रकारची मागणी अमेरिकन सिनेटच्या एका समितीने ऐकून घेतली. या समितीसमोर या मागणीचा पुरस्कार करणारे व या मागणीला विरोध करणाऱ्यांनी आपआपली बाजू मांडली.
क्लाउड कंप्युटींग या संज्ञेचा अर्थ वेगवेगळ्या संदर्भात वेगळा आहे. परंतु सामान्य मध्यमवर्गीय लोकांना कदाचित माहित नसते कि दररोज ते अनेक वेळा त्यांच्या नकळत ‘क्लाउड’ वापरत असतात. तुमची माहिती इंटरनेटवरील सर्व्हरवर साठवून ठेवणाऱ्या सेवांना सर्वासाधारणपणे क्लाउड म्हटलं जातं. जीमेल, फेसबुक, गुगल ड्राइव्ह, ड्रॉपबॉक्स, फ्लिकर अशी अनेक सेवांना ‘क्लाउड’ सेवा असे म्हणता येईल. Continue reading
नॅनोटेक्नॉलॉजी हा शब्द आपण अनेक वेळा ऐकला असेलच. अतिशय सूक्म वस्तूंचा अभ्यास करून त्यांचा वापर करून घेण्याच्या शास्त्राला नॅनोटेक्नॉलॉजी असे म्हणतात. ह्या शास्त्रावर सध्या खूप मोठ्या प्रमाणात संशोधन होत असून लवकरच या शास्त्राचे उपयोग सामान्य माणसापर्यंत पोचतील. हे शास्त्र अर्थातच वरील एका वाक्याएवढं सोपं नाही. त्यात अनेक वेगवेगळ्या तंत्रज्ञानाचा समावेश आहे. त्यातल्याच एका तंत्रज्ञानाचा – नॅनोरोबोटीक्सचा परिचय करून देण्याचा हा प्रयत्न.
विंडोज १० पहायला मिळेल या आशेने अनेक मायक्रोसॉफ्ट चाहते व पत्रकार २१ जानेवारीच्या मायक्रोसॉफ्टने आयोजित केलेल्या समारंभाला गेले होते. परंतु या समारंभामध्ये विंडोज १० च्या ऐवजी लोकांचे लक्ष वेधून घेतले ते मायक्रॉसॉफ्टच्या नवीन निर्मितीने – ‘होलोलेन्स’ ने. होलोलेन्सबरोबर मायक्रोसॉफ्टने आभासी चश्म्याच्या बाजारपेठेत प्रवेश केला आहे. परंतु होलोलेन्सहा सध्या बाजारपेठेत उपलब्ध असलेल्या किंवा नजिकच्या काळात बाजारपेठेत उपलब्ध होणाऱ्या चश्म्यांपेक्षा बराच वेगळा आहे.
अमेरिकेचे राष्ट्राध्यक्ष ओबामा जानेवारीत अमेरिकेतल्या सीडर फॉल्स या छोट्याशा शहरात गेले. ह्या शहरातून त्यांनी आपल्या ब्रॉडबँड इंटरनेट सुविधेचा विस्तार करण्याची घोषणा केली. पण त्यांनी ही घोषणा करायला आयोवा राज्यातील ह्या छोट्या शहरालाच का निवडले? त्याचं एक कारण आहे. सीडर फॉल्स हे शहर अमेरिकेतील अगदी थोड्या गिगाबिट सिटी पैकी एक आहे. ज्या शहरामध्ये तब्बल १ गिगाबीट प्रति सेकंद एव्हढा इंटरनेट स्पीड उपलब्ध असतो, त्याला गिगाबीट सिटी म्हणतात. तुलना करण्यासाठी सांगायचं तर लॉस एंजलिसच्या माझ्या घरी मला १५ मेगाबिट प्रति सेंकंद या वेगाने इंटरनेट मिळते. १ गिगाबिट म्हणजे १००० मेगाबिट प्रति सेंकंद. म्हणजे माझ्या घरापेक्षा तब्बल ६६ पट जास्त वेगाने सिडर फॉल्समधील घरात इंटरनेट उबलब्ध आहे. अकामाई या प्रसिद्घ कंपनीने जाहिर केलेल्या एका पत्रकानुसार भारतामध्ये सरासरी इंटरनेट स्पीड फक्त २ मेगाबिट्स प्रति सेकंद आहे. म्हणजे अमेरिकेतल्या सीडर फॉल्स या शहरात भारताच्या तब्बल ५०० पटीने जास्त जलद इंटरनेट उपलब्ध आहे. अमेरिकेत इतर ठिकाणी हा सरासरी वेग १० मेगाबिटस् पर सेकंद आहे.
